FAQ — Mga Madalas Itanong
Pagsisimula
Paano ako magsisimula? Mag-sign up gamit ang Facebook, Google, o email. Ilagay ang mga produkto at utang mo. Tapos. Karaniwan, isang gabi lang ang kailangan para mailipat ang notebook mo.
Kailangan ko ba ng credit card? Hindi. Kailanman. Walang credit card sa pag-sign up at walang credit card sa pagbayad.
Kailangan ko bang marunong mag-computer? Hindi. Kung nakakapag-Facebook ka, kaya mo 'to. Kung may matigas na parte, sabihin mo sa amin — kasalanan namin 'yon, hindi sa'yo.
Ilang tindahan ang pwede sa isang account? Isa. Kung marami kang tindahan, kausapin mo kami — tutulungan ka namin.
Presyo at bayad
Magkano? ₱199 kada 30 araw, pagkatapos ng 60 araw na libre. Buong detalye →
Paano ako magbabayad? Sa GCash. Ipapakita namin ang QR at ang eksaktong halaga, ipapadala mo, magpapadala ka ng patunay. Aktibo agad ang account mo — hindi ka maghihintay sa amin.
May kinakaltas ba kayo sa GCash ko? Wala. Walang auto-debit, walang naka-save na card, walang standing order. Bawat ₱199 ay sinadya mong ipadala.
May bawas ba kayo sa binili ko sa wholesaler? Wala. Kahit piso. Diretso sa wholesaler ang bayad mo — hindi dumadaan sa amin ang pera at wala kaming hinahawakan.
Paano kung nakalimutan kong magbayad? May 3 araw na palugit — buo pa rin ang access mo. May paalala rin kami 7 araw at 3 araw bago matapos.
Pwede bang mag-refund? Oo, sa ilang sitwasyon. Refund Policy →
May Early Access ako. Mababawasan ba? Hindi. Kung 12, 8, o 6 na buwan ang pinangako sa'yo, iyon pa rin. Ang 60 araw ay para lang sa mga bagong sasali.
Paggamit
Gumagana ba kahit walang internet? Oo. Pwede kang magtala ng benta at utang offline — mag-si-sync pagbalik ng signal. Ang pagpapadala ng order sa supplier lang ang kailangang may koneksyon.
Anong telepono ang kailangan? Kahit anong Android o iPhone na may browser. Gawa ito para sa mid-range na Android at mabagal na data.
Nag-e-expire ba ang utang record? Hindi. Nananatili hanggang ikaw mismo ang magbura.
Paano kung may mali akong nailagay? Pwede mong itama kahit kailan. May kasaysayan ng pagbabago para malinaw kung ano ang binago at kailan.
Datos at privacy
Sino ang may-ari ng datos ko? Ikaw. Kami ay tagapag-ingat lang.
Binebenta ba ninyo ang datos ko? Hindi. Kailanman. Walang advertiser, walang data broker, walang kahit sino.
Pwede ko bang i-export? Oo — inventory, orders, suki list, utang records. Kahit kailan, kahit anong plano, kahit lapsed na ang account mo.
Nakikita ba ng ibang tindahan ang datos ko? Hindi. Nakahiwalay ang bawat tindahan sa antas ng database. Ang supplier mo ay nakikita lang ang order na ipinadala mo sa kanya.
Paano ang datos ng suki ko? Sa'yo 'yon, hindi sa amin. Ikaw ang may hawak; kami ay nag-iingat lang sa utos mo. Privacy Policy → · Data Protection →
Para sa supplier
Wholesaler ako. Para ba ito sa akin? Oo, may hiwalay na dashboard para sa maraming store account. Tingnan →
May bayad ba ang supplier? Oo — pareho ₱199 kada 30 araw at 60 araw libre para sa bagong sign-up. Walang per-store fee at walang komisyon sa orders na dumadaan sa platform. Buong detalye →